Բրենդը հիմնադրվել է 2015 թվականին՝ ազգային մոտիվներն ու ինքնատիպությունը պահպանելու նպատակով։

Բրենդն իրենից ներկայացնում է ձեռքով նկարազարդված հեղինակային աշխատանքներ։ Հայկական ավանդական էսքիզների, գլխաշորերի, հերոսական կերպարների, տարբեր զարդանախշերի նկատմամբ հիացմունքը և հարգանքը այլ ազգերի նկատմամբ ոգևորել են ինձ նորաձրությունը օգտագործելու որպես ազգային արժեքների պահպանման և տարածման գործիք։ Քարոզչության լավագույն միջոցը ժամանակակիցի և ավանդականի միախառնումն է, որը նոր շունչ է հաղորդում ազգային տարրերին։ Իմ հիմնական նպատակն է յուրաքանչյուր ժամանակակից թրենդային գաղափար խառնել հայկականին, ազգայինին, ինչն արտահայտել եմ հայկական զարդանախշերով ձևավորված գոտիների ու աքսեսուարների մեջ։ Գոտիները պատրաստված են կաշվից։ Ես հայ նկարիչ-դիզայներ եմ, ում համար կարևոր է ոչ միայն նորաձևությունը, այլև հայկական հիշողության պահպանումը, որն իմ արվեստի գլխավոր նպատակն է։