Mankan

Մանկական / Նորածնային / Խաղալիքներ

Հայաստան

«Մանկան»-ի պատմությունը սկսվում է 1992 թվականից, երբ Վարուժան Գյուրջյանը աշխատում էր Երևանի «Առևտրի կենտրոն» հանրախանութում: Կենտրոնը չուներ խաղալիքների խանութ, և հանրախանութի տնօրենը առաջարկում է պարոն Վարուժանին բացել խաղալիքների բաժին և ղեկավարել այն: Պրն. Գյուրջյանը ունենալով միայն պլաստիկ խաղալիքների արտադրության գործարանում աշխատանքի փորձ՝ ուսանողական տարիներին բացում է խաղալիքների բաժինը: Առևտուրը կազմակերպելու համար բավականին մեծ դժվարությամբ խաղալիքներ էին հայթայթում Հայաստանում և Ռուսաստանում: 1993 թ. հնարավոր դարձավ ապրանքներ ներմուծել արտերկրից: Որոշ ժամանակ անց պարոն Վարուժանը սպառումը ընդլայնելու նպատակով որոշում է հիմնել իր սեփական ընկերությունը: 1998թ-ի հունիսին հիմնվում է «Մանկան» ՍՊԸ-ն, և Մաշտոցի 24 հասցեում բացվում է համանուն խաղալիքների մասնագիտացված խանութ, որը ընձեռնում է անմիջականորեն ընդլայնել սպառումը արտադրող-գործընկերների հետ: «Մանկան» անունը ընտրվեց շատ արագ: Պարոն Վարուժանը ցանկանում էր, որ այդ անունը դյուրին, ընդունելի և հասկանալի լինի սպառողների համար: