Մեր մասին

Գտեք հայկականն ամենուր։

 

Ներկայումս օնլայն գնումներ կատարելը դառնում է ավելի հեշտ ու հասանելի։ Չնայած որ առևտուրն ամբողջ աշխարհում սփռված հայերին կապող օղակներից մեկն է, մինչ այս չկար մի հարթակ, որտեղ կհանդիպեին տարբեր երկրներում ապրող, տարբեր ապրանքներ փնտրող ու վաճառող հայերը։

Rednur-ի ստեղծման հիմքում մենք դրեցինք հենց այդ գաղափարը՝ դառնալ կապող կամուրջ տարատեսակ իրեր, ծառայություններ վաճառողների և պոտենցիալ գնորդների միջև։

2020թ. ավարտին մենք մեկնարկեցինք պլատֆորմի նախագծման աշխատանքները, և այժմ Դուք կարող եք վաճառել և գնել ապրանքներ 40+ բաժին ունեցող կայքի միջոցով։

Rednur-ը գլոբալ առցանց շուկա է, որը կապում է ամբողջ աշխարհի հայերին իրենց արտադրանքով, ապրանքներով, ձեռագործ իրերով և տարատեսակ հավաքածուներով: Մենք ջանում ենք աջակցել ինչպես Հայաստանում, այնպես էլ սփյուռքում գործող բիզնեսներին և անհատներին։

Rednur-ը սկսելու մեր շարժառիթը պարզ էր՝ ստեղծել ավելի կապակցված, կայուն և ոգեշնչված հայկական համայնք՝ ինչպես առցանց, այնպես էլ իրական:

Մենք հավատում ենք համայնքի ներուժին և հուսով ենք, որ մեր հարթակի միջոցով կարող ենք շարունակել կառուցել հայերի հզոր համաշխարհային ցանց, որի անդամներն աջակցում են միմյանց և պահպանում մեր մշակույթը:

Շնորհակալ ենք Rednur-ի մի մասը լինելու համար։ ♥

 

ՎԱՃԱՌՈՂՆԵՐԻՆ

Rednur-ի հետ հնարավոր է ավելացնել վաճառքներն առանց լրացուցիչ ներդրումներ կատարելու։ Վաճառողները կարող են ստեղծել օնլայն խանութ մի քանի քայլով՝ առանց որևէ թաքնված վճարի։ Օգտագործման դյուրին պայմանների շնորհիվ մեր վաճառողների համայնքն օրեցօր ընդլայնվում է։

 

ԳՆՈՐԴՆԵՐԻՆ

40+ կատեգորիաներ՝ բարձրորակ լուսանկարներով և ամբողջական նկարագրությամբ, կդարձնեն գնումներ կատարելու գործընթացն ավելի հաճելի։ Դուք կարող եք առցանց կապվել այս կամ այն վաճառողի հետ և քննարկել լրացուցիչ մանրամասներ։

 

ՄԵՐ ԱՌԱՔԵԼՈՒԹՅՈՒՆԸ

Հայտնի է, որ հայերն իրենց ստեղծածին շունչ ու հոգի են փոխանցում։ Եվ մեր նպատակն է հասանելի դարձնել այդ շնորհն աշխարհով մեկ յուրաքանչյուրին։ Դա է պատճառը, որ մեր կայքն իր բոլոր հնարավորություններով լիովին անվճար է։ 

Մեր օգտատերերի համար Rednur-ը դառնալու է հայկական ապրանքներ գնելու և վաճառելու լավագույն հարթակը։ Մենք ցանկանում ենք, որ բոլորը կարողանան վաճառել և գնել ապրանքներ առանց ձանձրացնող գովազդների և վճարովի բաժանորդագրության։

 

Օգտվե՛ք հարթակի բոլոր հնարավորություններից, մի՛ հապաղեք պատմել Ձեր ընկերներին մեր մասին, կիսվել սեփական փորձով։

Օգնե՛ք մեզ տարածել հայկական նռան հատիկները ողջ աշխարհով։